BooDy Abdelrahman Ghareeb
Jaikus from BooDy
Tuesday, 19 May 2009
Wednesday, 13 May 2009
-
ده لإنك من المؤمنين يا إبني بس الشيطان لعب بعقلك، توب و ارجع لي و انا هخليك من الحواريين بتوعي. و كفايه كده الله يخرب بيوتكم هتجيبوا لي مصيبة و هتسجن 3 سنين ازدراء أديان
:D
-
فيصل، انت عارف نفسك انك من الكافرين بي و بنبوتي، متتمحلسش و تحاول تدخل في ديانتي دلوقتي، ده انت يهوذا صحيح.
Tuesday, 12 May 2009
-
مهو انا لازم افكر الناس علشان بينسوا و محدش راضي يؤمن بي، أعمل ايه بس. ربنا يهديهم.
-
apply at EDC http://www.egyptdc.com/ they were hiring Linux administrators and LAMP developers a while ago if you're looking for a job in Cairo.
Saturday, 9 May 2009
Friday, 8 May 2009
Thursday, 7 May 2009
Wednesday, 6 May 2009
Monday, 4 May 2009
-
@msameer: مش واخد الموضوع على كرامتي بس فعلا حاجه تنرفز، متزعلش مني بس انا بكره السطحيه و الطريقه اللي الناس عموما بقت بتستقي معلوماتها بيها، انت رحت جبت لي مقال مكتوب في العربيه و خلاص كده اختصرت فكر جمال البنا كله في المقال ده و جاي تقول لي جتك نيله. إذا انت مش شايف ان ده مش سطحيه فانت حر يا عم الله يسهل لك. كل كلمه انت بتقولها أو احمد بيقولها مردود عليها في كتب طول بعرض مش في شوية مقالات و ياريت اللي بينشروا المقالات دي بينشروا كلام جمال البنا كامل منغير ما يقطعوه لا ده بيتقطع علشان يوصلوا في الآخر للنتيجه اللي أي صحيفه معفنه عاوزاها، الفرقعه و الدوشه و خلاص.
مدام انت عارف ان دينك بيقول اقرأ يبقى إقرأ و النبي كتاب مش العربيه.
-
@ahmad: أنا بكلم كل واحد بلغته، لما واحد مبيحترمش الآخرين بكلمه بلغته، لما بشتم واحد زي محمد حسين يعقوب بشتمه لإنه بيحتقر المرأه علني و بيشتمها علني، فانا هحتقره و هشتمه. لما جمال البنا يقول على حد انه يستاهل الحرق أو حيوان ابقى تعالى كلمني.
لو سمحت، الحاجات اللي انت بتتكلم عليها دي انت قريت كتب جمال البنا في الرد عليها ولا لا؟ متقوليش أرجوك انك قريت مقاله في العربيه ولا المصري اليوم و بس. لو سمحت اقرى الكتب و بعد كده انت حر، معنديش مشكله خالص ان الكلام يبقى مش عاجبك أو شايف انه غلط، بس اقرى الأول.
الثوابت اللي انت بتتكلم عليها دي كانت سبب في ظلم كتير و لما بنحاول نغيرها فاحنا بنحاول نصلح غلط وقعوا فيه قبلنا و لسه بيقعوا فيه و بيحاولوا النهارده يرجعونا لورا. و الثوابت اللي بتتكلم عليها برضو مش هي بس اللي جمال البنا اتكلم فيها لكن هي اللي الإعلام ركز عليها علشان مكاسبهم الشخصيه و الضجه مش أكتر.
-
@ahmad: يا عم انت حر، عاوز تمشي ورا رأي الجماعه، عاوز تطلع بمذهب جديد، عاوز تعمل أي حاجه اعملها بس اتكلم باحترام، يعني ايه بتقول حيوان و اهبل؟ مش كلامك ده ولا كلام امي؟ إيه فسل دي و إيه فرد تعبان في دماغه دي و النبي؟ طب اقرى له حاجه و اتكلم عنها ساعتها ماشي نتكلم لكن شتيمه و خلاص لجمال البنا معلش ده اسمه هبل فارغ، بتحكموا على جمال البنا من مقال قريتوه في حته و خلاص أو سمعتوه من شيخ في أي داهيه
في سلفيين في قمة الاحترام بيردوا على جمال البنا و بيحترموا آراءه دول على عيني و على راسي لكن شتيمه و هبل على الفاضي معلش هتنزل من نظري و مش هرد عليك أصلا بعد كده.
و حكاية بوش دي بالذات بالمناسبه اتقالت عليه قبل كده من مشايخ محترمين أفاضل فحسيتها هتبقى الطلعه الجايه بتاعتك.
-
أولا حضرتك حطيت مقال لجمال البنا و تعليقك كان "جتك نيله" فإذا دي مش شتيمه فمش عارف إيه هو تعريفك للشتيمه أو التريقه.
ثانيا مين قال لك اني بمشي ورا كلام اللي بسمعهم و انا مغمض؟ في آراء لجمال البنا انا مش متفق معاه فيها، و مقلتش انه نبي أو ولي من أولياء الله الصالحين، أكيد بيغلط و أكيد مش كل كلمه بيقولها صح لكن رسالته في الأول و الآخر هي محاوله للإصلاح و حتى و هو بيختلف مع الناس بيحترمهم حتى أكتر السلفيين تشددا و اللي بيهاجموه، الدور و الباقي على الباشاوات عديمين الاحترام اللي بيهاجموه و بيحرفوا كلامه علشان يخوفوا الناس منه.
عاوز تتكلم عن الحجاب ممكن نقعد نتكلم كتير أوي و الأستاذ جمال البنا له كتابين في الموضوع ده مش معقول هشرحهم لك هنا لكن بما إنك بتقول لي كاسيات عاريات فجمال البنا يا سيدي عمره ما قال ان العري حلال و إن التبرج حلال و كل كلامه في الآخر بينص على إن الاحتشام هو المطلوب مش الحجاب و النقاب و الفصل الكامل بين الجنسين.
حكاية رأي الجماعه دي بقى أكبر مصيبه عند المسلمين، دي و الكهنوت اللي اتبنى حوالين الإسلام علشان يحوله لحرفه يحتكرها مجموعه من الناس هما اللي بيقتلوا الدين ده و بيحولوه لأداه للقهر و الظلم و الاستعباد في إيد اللي له سلطه انه يحركه. يعني إيه الأمه مش هتجتمع على شئ غلط؟ في مسار الحضاره البشريه عمرها ما حصلت؟ لو مصدق كده فعلا تبقى مصيبه و تبقى بتغمض عينيك و بتستسهل.
أه و بالمناسبه برضو المذاهب عند أهل السنه خمسه مش اربعه لكن دايما" رأي الجماعه" بيسقط المذهب الظاهري علشان يا حرام كان وحش و كخه و أصل داوود الأصفهاني و ابن حزم دول كانوا ناس وحشين و غلطوا كتير أوي أوي جدا خالص. أدي رأي الجماعه يا باشا، سهل أوي اني اقول لك رأي الجماعه و حضرتك تمشي وراه منغير ما تشغل عقلك، اللي يمشي ورا جمال البنا و هو مغمض يبقى عمره ما فهم ولا كلمه من جمال البنا أصلا فمعلش انا مش ماشي ورا حد و انا مغمض يا أستاذ محمد.
و أصلا أصلا تعليقي ده كان رد على احمد مش عليك، انت بتقولي انا جتك نيله فمعلش مش مشكله طالما في انا مش في حد تاني.
-
ما انت حضرتك بتردد الكلام المتخلف اللي بيقولوه الأزهريين و السلفيه على جمال البنا، جمال البنا يا حبيبي جزء كبير من كتاباته متاخده من التراث الإسلامي اللي اتردم عليه لكن محدش بيقرى ولا بيحاول يفهم، و بعدين شهرة إيه ان شاء الله اللي عاوز ياخدها، جمال البنا ده طول عمره من أنضف اليساريين في مصر و كتاباته عن الإسلام من قبل ما حضرتك تتولد لها رساله عاوز يوصلها ولا عمره كان بيقبض من حد ولا عمره كان عاوز يتشهر. روح اقرى و سيبك من التعريص بتاع الإعلام اللي عاوز يعمل أي فرقعه على حساب الراجل.
و بعدين ما ناس تانيين قالوا نفس كلام جمال البنا، محدش طلع فيهم ليه؟ كتابات جمال البنا عن تطوير الشريعه و الفرق بينها و بين العقيده كتب زيها الشيخ شلتوت، كتاب العوده للقرآن و كتاب تفسير القرآن الكريم بين القدامى و المحدثين بيستشهد فيه بكتابات مشايخ كتير أزهريين و شيعه و معتزله كمان، ولا هي عمة الأزهر هي اللي ليها مصداقيه عند حضراتكم. فوقوا و النبي و احترموا نفسكم شويه حتى لو مختلفين مع الراجل بلاش اتهامات ملهاش معنى ولا دليل، ناقص تقول لي انه بيقبض من بوش ولا أوباما.
آل عاوز يتشهر آل، يا اخي جتكم الهم بهايم على الصبح.
-
معلش يا سمير أصل الراجل ده بيفكر مش حاطط في دماغه جزمه قديمه زي القرود اللي بتسمعهم و بتحبهم اللي كل هم أي اهبل فيهم ان الستات تتنقب و تقعد في البيت علشان فتنه و قنابل موقوته :)
Sunday, 3 May 2009
Jaikus from BooDy